• Home
• /
• Dokumentonan

Konsehonan i Quick Scans

ROA CN ta sòru pa estudionan riba nivel di mbo konektá bon ku merkado laboral di e islanan. Nos ta hasi esaki di manera ku e personanan ku finalisá nan estudio por haña un trabou apropiá i ku e kompanianan tin trahadónan ku konosementu i
kompetensianan adekuá. Nos ta hasi esaki pa medio di realisashon di diferente sorto di investigashon i nos ta skirbi konseho a base di e resultadonan.

Konseho anual

Tur aña na luna di desèmber ROA CN ta skirbi un rapòrt di konseho pa estudionan solisitá pa e skolnan. Den e konseho akí ta wak si e estudio ta konektá bon riba e isla, por ehèmpel ta wak si tin vakatura pa e profeshonnan akí. E proseso ta kuminsá ku petishon for di un instituto riba nivel di mbo na islanan BES. A base di e solisitut ROA CN ta realisá investigashon basá riba e dos kriterionan prinsipal; esta relevansia riba merkado laboral i funshonabilidat. Ku otro palabra si tin konekshon entre petishon i nesesidat riba merkado laboral i kon efisiente ta,si kuminsá ku e estudio. Un proseso kaminda ku ROA CN ta hiba kòmbersashon dirigí ku partnernan riba merkado laboral, enseñansa profeshonal i sobrá partnernan di kadena.

Resultaten Advies 2020 t/m 2023

Quick scans

Aparte di e konsehonan anual akí, ROA CN ta hasi “Quick Scans”tambe. Esakinan ta evaluashonnan general kaminda ta ilustrá un bista eksakto di merkado laboral. Un “Quick Scan” ta ilustrá un bista di un sektor kaminda ta menshoná oportunidatnan di mas importante, puntonan problemátiko i oportunidatnan di mehorashon. Aparte di esei e “Quickscans” akí ta ofresé e oportunidat pa forma un bista mas amplio di e sektornan mas ayá di e konsehonan anual.